فیس بک کے چہرہ پہچاننے کے فیچر نے پرائیویسی کے حوالے سے خدشات میں اضافہ کر دیا ہے۔
فیس بک کے تصاویر میں خود کار طریقے سے چہرہ پہچاننے کے فیچر نے سوشل نیٹ ورکنگ ویب سائٹ پر پرائیویسی کے بارے میں تحفظات میں اضافہ کر دیا ہے۔ فیس بک کے متعدد صارفین شکایت کر رہے ہیں کہ ویب سائٹ نے ان کی مرضی کے بغیر ان کے اکاؤنٹس کو یہ فیچر مہیا کر دیا ہے۔ صٓارفین کا خیال ہے کہ فیس بک ان کی پرائیویسی میں مداخلت کر رہی ہے۔ فیس بک کی تصاویر میں چہرہ پہچاننے کی سروس نئی تصاویر اپ لوڈ کرتے وقت کام کرتی ہے اور اسے فیس بک کی پرائیویسی سیٹنگز میں جا کر ڈس ایبل کیا جا سکتا ہے۔