گزشتہ دنوں ایک سولر چارجنگ لائٹ پورٹیبل کہیں سے موصول ہوئی چونکہ مفت میں ملی تھی اس لئے پاکستانی رسم و رواج کے مطابق یہ سولر چارجنگ لائٹ میں کوئی نقص ہونا تو فرض تھا۔ میں نے جب اسے یو ایس بی پورٹ کی مدد سے چارج کر کے دیکھا تو کچھ سیکنڈز تک تو لائٹ آن ہوئی لیکن پھر لائٹ آف ہو گئی۔ پھر اسے سولر پلیٹ کی مدد سے بھی چارج کر کے دیکھا تو رزلٹ وہی کچھ سیکنڈز کا بیک اپ ملا۔ لہذا یہ کنفرم ہو گیا کہ اس کی بیٹری نا ہنجار نے دغا دیا ہے۔ پھر میں نے اس کو کھول کر معائنہ کیا تو سائز کے حساب سے نوکیا کی ایک بیٹری اس میں بہتر انسٹال ہوتی نظر آئی پھر میں نے اس پر کاریگری کی اور نوکیا کی بیٹری اس میں انسٹال دی۔ اور بند کر کے اسے چارجنگ پر لگایا ۔ تو آپ بتائیں کیا رزلٹ رہا ہو گا۔۔
نہ تو چارجنگ ہوئی اور نہ ہی لائٹ جلی۔۔۔۔۔۔۔۔۔۔
دماغ کو جھٹکا لگا کہ ایسے ہو نہیں سکتا جب سولر لائٹ کو ہاتھ لگایا تو وہ گرم ترین تھی۔
ایک سائیڈ سے کور اتار کر دیکھا تو فٹنگ کرتے وقت بیٹری کے ٹرمینل سرکٹ سے جُڑ گئے تھے لہذا پھر سے ساری سولر لائٹ کھولی اس کی فٹنگ کو بدلا اس بار لائٹ نے رزلٹ مرضی کے مطابق دیا ۔
