درشن بن اکھیاں ترس رہیاں
درشن بن اکھیاں ترس رہیاں
خواجہ غلام فرید کا کلام
سے سُول سہاں سک سانگ سوا
سکھ سڑ گئے خوشیاں راکھ تھیاں
درشن بن اکھیاں ترس رہیاں
درشن بن اکھیاں ترس رہیاں
جی جلدا سینے اگ لگی
دل بیکل ہنجھڑوں ڈلھک گئیاں
درشن بن اکھیاں ترس رہیاں
درشن بن اکھیاں ترس رہیاں
بٹھ سیج سڑی بٹھ تول تتی
گئیاں سینگیاں سیتاں وسر سئیاں
درشن بن اکھیاں ترس رہیاں
درشن بن اکھیاں ترس رہیاں
گل کوجھے کانٹے خار چُبھن
تھئی چولی سالوں سہنہ دھئیاں
درشن بن اکھیاں ترس رہیاں
درشن بن اکھیاں ترس رہیاں
کئی لہر لوڑھے کئی روہ رولے
کئی پھردے بوٹے بیٹ لئیاں
درشن بن اکھیاں ترس رہیاں
درشن بن اکھیاں ترس رہیاں
دن بیت گئے سُدھ بسر گئی
ساجن نے برائیاں جوڑ کیاں
ہے ناز نہیں اعراض منڈھوں
رکھ آس نہ تھی غم واس میاں
بن یار فرید نہ عید ڈٹھم
کھل کھیڈاں ساریاں وسر گئیاں
درشن بن اکھیاں ترس رہیاں
ڈاون لوڈ: پٹھانے خان کی آواز